صورتِ مسئولہ میں مرحومہ نے بوقتِ انتقال اپنی ملکیت میں جو کچھ منقولہ وغیر منقولہ مال، جائیداد،سونا ، چاندی،نقدی(خواه حج کے لئے جمع کی ہو)، جانور،جہیزکاسامان اوراس کے علاوہ ہر قسم کا چھوٹا بڑا گھریلو ساز وسامان چھوڑا ہے وہ سب مرحوم کا ترکہ ہےجس كے بارے میں حكم شرعی یہ ہے کہ اگر مرحومہ پر کسی کا واجب الأداء قرضہ ہو تو اسے ادا کیا جائے ،اس کے بعد دیکھیں اگر مرحومہ نے کوئی جائز وصیت کی ہو تو بقیہ ترکہ کی ایک تہائی كی حدتک اس پر عمل کیا جائے، ا س کے بعدبقيہ مال کے کل تیرہ(۱۳)مساوی حصے کرکےمرحومہ کے شوہرکوتین (۳)حصے ، بیٹی کوچھ(۶)حصے اوروالدين ميں سے ہرایک کودو(۲)حصے دیئے جائیں۔واضح رہے کہ مذکورہ صورت میں تقسیم سے پہلے مشترکہ ترکہ میں سے کسی جانور کو ذبح کرکے لوگوں کی دعوت کرنا شرعاً جائزنہیں۔