دو سال پہلے میری جس آدمی سے شادی ہوئی تھی اس نے مجھ سے جھوٹ بول کر نکاح کیا یعنی کہ وہ پہلے سے شادی شدہ اور ایک بیٹی کا باپ تھا لیکن اس نے مجھے اور میری فیملی کو خود کو کنوارہ بولا اور نکاح کرلیا۔ رخصتی کے بعد اس نے بتایا کہ وہ پہلے سے شادی شدہ ہے۔ شادی کے بعد مجھے یہ پتا چلا کہ وہ ناجائز تعلقات کا عادی ہے اور سوشل میڈیا پر عورتوں کو بلیک میل کرتا ہے۔ اس نے اپنی پہلی بیوی پر بدکرداری کا جھوٹا الزام لگایا اور اسے بھی بدنام کر دیا۔ شادی کے ایک مہینے بعد یہ واپس سعودیہ چلا گیا کیونکہ اس کی پہلی بیوی نے کیس کر دیا تھا اس پر تو اس سے بچنے کے لیے بھاگ گیا۔ مجھے تب ہی میرے ماں باپ کے گھر چھوڑ گیا تھا۔ پھر تین مہینے بعد اس نے مجھے طلاق بائن کے الفاظ بولے اور تین مرتبہ الگ الگ میسج کیا۔ یعنی ایک ساتھ نہیں بولے بلکہ پہلے ایک مرتبہ بولے پھر کچھ وقت بعد دوسری مرتبہ میسج پر ہی بولے اور تیسری مرتبہ بھی میسج پر ہی بولے۔ میں نے ایک دو عالموں سے پوچھا تو انہوں نے بولا کہ طلاق ہو گئی ہے اور پھر مجھے اس گھٹیا شخص کی فطرت کا بھی اچھے سے اندازہ ہے کہ اس نے پوری نیت سے بولے یہ طلاق بائن کے الفاظ اور پھر مکر گیا۔ میرے پاپا تب سے ہی اس سے میرے نام پر خرچہ منگوا رہے ہیں جو میں نہیں استعمال کرتی اور نہ مجھے ضرورت ہے۔