صورتِ مسئولہ میں مرحومہ نے اپنے انتقال کے وقت اپنی ملکیت میں جو کچھ منقولہ و غیر منقولہ حلال مال مثلاً: جائیداد، سونا، چاندی، زیورات، نقدی اور ہر قسم کا چھوٹا بڑا گھریلو ساز و سامان چھوڑا ہے وہ سب مرحومہ کا ترکہ ہے اور مرحومہ کے کفن و دفن کے متوسط اخراجات کی ادائیگی اس کے شوہر کے ذمہ لازم ہے؛ لہذا وہ مرحومہ کے ترکہ سے منہا نہیں کیے جائیں گے۔ البتہ مرحومہ کے ذمہ کوئی واجب الادا قرض ہو یا کوئی جائز وصیت کی ہو تو وہ قرض اور ایک تہائی مال کی حد تک وصیت مرحومہ کے مال سے ادا کی جائے۔ چونکہ سوال میں صرف تین ورثاء کا ذکر ہے، اگر واقعتاً مرحومہ کے یہی ورثاء ہیں اور اس کے باپ، دادا، پردادا اور اس کے اوپر جتنے بھی اصول ہیں ان میں سے کسی کی نسل میں کوئی مذکر مرد موجود نہیں تو پھر تقسیم میراث یوں ہوگی کہ مذکورہ تمام حقوق کی ادائیگی کے بعد جو کچھ ترکہ بچے اس کے سولہ برابر حصے کیے جائیں، جن میں سے چار حصے مرحومہ کے شوہر کو، تین حصے والدہ کو اور نو حصے بیٹی کو دے دیے جائیں۔ نقشہ میراث درج ذیل ہے۔