صورتِ مسئولہ میں مرحوم کا ترکہ ورثاء میں تقسیم کرنے کا طریقہ یہ ہے کہ مرحوم کے حقوق متقدمہ علی المیراث( تجہیز و تکفین، قرض/دین، جائز وصیت) کی ادائیگی کے بعد اگر مذکورہ ورثاء کے علاوہ کوئی اور وارث نہیں تو بقیہ مال کے کل ساٹھ(60) حصے کرکے پندرہ (15) حصے بیوہ کو اور (,88) حصے ہر بہن کو دئیے جائیں گے۔ بقیہ پانچ (5) حصے میت کے قریبی مرد رشتے داروں میں تقسیم ہوں گے۔ مذکورہ صورت میں مرحوم کی اولاد ، والد یا بھائیوں میں سے اگرچہ کوئی مردرشتے دار نہیں ہے لیکن بھائی کی اولاد میں اگر کوئی لڑکا موجود ہو تو وہ شرعًاوارث ہوگا اور اگر نہ ہو تو دادا یا پڑدادا اوپر تک کی اولاد میں سے اگر کوئی مرد رشتے دار ہو تو ان میں سےمیت کا قریبی رشتے دار اس بقیہ حصے کا حقدار ہوگا اس لئے اس کی تفصیل لکھ کر دوبارہ سوال پوچھ لیں۔