گزارش ہے کہ ہم چھ بہنیں ہیں اور تین بھائی تھے ۔ ہمارا باپ 1999 انتقال کر گیا جو کہ صاحب جائیداد تھا۔ کمر شل پراپرٹی اور 12، 13 مربع زمین کا مالک تھا ، ان کے حیات ہوتے ہوئے خود تھوڑی بہت زمین ہم بہنوں کے نام لگوائی تھی۔ اس کے علاوہ وراثت کی انتقال کے کاغذات ایک انچ کے بھی نہیں دیے ۔ 2008 کو ہمارا منجھلا بھائی ہدایت علی انتقال کر گیا جس کے دو بیٹے اور دو بیٹیاں ہیں۔ تقریباً چار سال ہو گئے ہیں ہماری والدہ انتقال کر گئی بس وہ بھی اپنی زندگی میں اپنے بیٹوں کی منت سماجت کرتی رہی کہ میری بیٹیوں کا حق ان کو دو۔ جب انہوں نے اپنی والدہ کی کوئی بات نہیں سنی تو انہوں نے بھی اپنی زندگی میں جو ان کی زمین کوٹ رادھا کشن ضلع قصور میں تھی ، وہ سب بہن بھائیوں میں شرعی حصے کے حساب سے ان کے نام لگوادی۔ اس کے علاوہ جو زمین دلو خرد ان کے نام تھی ، اس میں سے ہمارے بھائیوں نے ہمیں آج تک نہ کوئی زمین دی اور نہ ہی وراثت کے انتقال کی کاپی دی ہے۔ ہم 1999 سے لے کر آج تک اپنے بھائیوں کی منت سماجت کر رہی ہیں جو ہمیں کچھ نہیں دے رہے اور ہمیں کہتے ہیں جہاں سے ملتی ہے ڈھونڈ لو۔ ہم خواتین ہیں اور ان پڑھ ہیں ہمیں زمینوں کی کوئی سمجھ بوجھ نہیں ہے۔ ہم پٹواری کے پاس جاتے ہیں تو وہ کہتا ہے کوئی ریکار ڈلاؤ تو ہمارے پاس کوئی ریکارڈ نہیں ہے۔ پٹواری بھی ہمارے بھائیوں سے ملا ہوا ہے ۔ اب ہمار ا سب سے چھوٹا بھائی میاں مقصود عالم ہے جسے 30-06-24 کی رات کو اس کی اپنی بیوی اور دو بڑی بیٹیوں نے زہر دے کر ہلاک کر دیا ہے جس کے شواہد موجود ہیں اور مرحوم کی یہ صرف چار بیٹیاں ہیں اور ان کا کوئی بیٹا نہیں ہے۔