متوفی ایک کاروباری آدمی تھے جو کہ اپنی حیات کے آخر تک عملی طور پر کاروبار کرتے رہے۔ تاہم انہوں نے اپنی حیات میں سب سے بڑے بیٹے کو کاروبار اور تمام گھریلو امور کا ناظم مقرر کر دیا تھا یعنی تمام کاروبار کی ہر قسم کی رقم ناظم کے پاس آتی اور وہ اس میں سے گھریلو، کاروباری، ملن جلن، بھائی بہنوں کی شادیاں، جائیداد کی خرید وغیرہ کا خرچ مشترکہ اکاؤنٹ سے کرتا رہا۔ جبکہ کھانا پکانا، لباس اور دیگر معاملات ِ زندگی مشترکہ اور اکٹھےتھے۔ البتہ دیگر بھائی بھی وقت کے ساتھ ساتھ والد صاحب کی ہدایت کے مطابق کاروبار میں شامل ہوتے رہے اور حسب ہدایت معاونت کرتے رہے۔ کاروبار میں توسیع بھی ہوتی رہی اور مزید جائیداد بھی بنائی گئی۔ اسی طرح متوفی کی زندگی میں جو جائیداد منقولہ و غیر منقولہ بنی۔ اس میں سے متوفی نے کلی یا جزوی جائیداد کا کسی کو قطعی طور پر مالک نہیں بنایا۔