مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
بہن کا بھائیوں کے حق میں حصہ میراث سے زبانی دستبرداری کرنا
سوال
سلام مسنون کے بعد عرض ہے کہ ایک عورت کے دو بیٹے اور ایک بیٹی ہے۔ یہ عورت اپنی بالغ بیٹی کو کہتی ہے کہ اپنے حصے کی زمین اپنے بھائیوں کے نام کر دو تاکہ تمہارے بھائی تیرے ساتھ اچھے رہیں اور اچھا سلوک کریں۔ یہ بیٹی زمین اپنے بھائیوں کے نام کروا دیتی ہے۔ پھر کئی سال گزرنے کے بعد بڑے بھائی نے اس بہن کو اس کا حصہ دے دیا جبکہ چھوٹے بھائی نے نہیں دیا ۔ اب یہ بہن بھائی سے حصہ لے سکتی ہے یا نہیں۔ اور اگر بھائی حصہ نہ دے تو کیا عدالتی کاروائی کرنا درست ہےیا نہیں؟
مذکورہ حصہ بہن کے پاس والد کی وراثت کا ہے یہ حصہ مکمل پیمائش ونشاندہی کے ساتھ الگ کرکے بہن کو نہیں دیا گیا تھا۔عدالت میں جج نے پوچھا کہ کیا آپ اپنی خوشی سے اپنا حصہ بھائیوں کو دے رہی ہو تو بہن نے کہا کہ ہاں میں خوشی سے دے رہی ہوں۔
جواب
سوال ميں ذكر كرده تفصيل سے یہ بات ظاہرہورہی ہے كہ بہن نے اپنے حصہ وراثت سے بهائيوں كے حق ميں بغير كسی عوض كے دستبرداری كی ہے ،اگر واقعتاً ايسا ہی ہے تو اس صورت ميں شرعی حكم یہ ہے كہ یہ دستبرداری درست نہیں ہوئی،بہن كا حق زمين ميں موجودہےبهائی كو چاہیے كہ وه بہن كا حق اس كو ادا كردے البتہ اس دست برداری كے بعد اب بہن عدالت ميں بھائی كے خلا ف دعوی نہيں كر سكتی اس ليے كہ دعویٰ سے دست برداری درست ہو جاتی ہے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
