صورتِ مسئولہ میں مرحوم نےانتقال کے وقت اپنی ملکیت میں جو کچھ منقولہ وغیرمنقولہ مال وجائیداد مکان، کارخانہ، پلاٹ، سونا،چاندی، نقدی،مالِ تجارت،کپڑے،برتن اور چھوٹا بڑا جو بھی گھرکا سازوسامان چھوڑا ہے وہ سب مرحوم کا ترکہ ہے۔ اس میں سے سب سےپہلے مرحوم کے کفن و دفن کے متوسّط اخراجات نکالےجائیں، اگر کسی اور نے یہ اخراجات اپنی طرف سے بطور احسان ادا کردیئے ہوں تو پھر یہ اخراجات مرحوم کے ترکہ میں سے نہیں نکالے جائیں گے، اس کے بعد دیکھیں اگر مرحوم کے ذمہ کسی کا قرض واجبُ الاداء ہو تو اس کو ادا کریں ،اوربیوہ کا مہر اگرادا نہیں کیا اور بیوہ نے اپنی خوشی سے معاف بھی نہیں کیا تو وہ بھی مرحوم کے ذمہ قرض ہے،لہٰذا اسے بھی ادا کریں۔ اس کے بعد دیکھیں کہ اگرمرحوم نےاپنی زندگی میں غیروارث کے لئے کوئی جائزوصیت کی ہو تو بقیہ مال کے ایک تہائی کی حدتک اس وصیت پر عمل کریں ،اس کے بعد جو ترکہ بچ جائے اس کے کل ایک سو اڑسٹھ (168)برابر حصے کرکے مرحوم کی بیوہ کو(21) حصے اور فی بیٹی کو (16)حصے اور بھائی کو (35) حصے دے دیں ۔ تقسیمِ میراث کا نقشہ حسبِ ذیل ہے: