مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
بلا اجازت کسی کی دعوت میں شریک ہونا
سوال
ایک مسئلہ کا جواب مطلوب ہے کہ چند دن قبل ہماری مسجد میں “حج کےبعد زندگی کیسے گزاریں “کے عنوان سے ایک پروگرام کا انعقاد کی گیا جس میں حجاج کرام اور دیگر مہمانوں کو مدعو کیا گیا اور اس میں ضیافت کا انتظام مدرسے کی طرف سے نہیں تھا پروگرام کے اختتام پر حجاج کرام اور مہمانوں کے لیے ماکولات ومشروبات کا اتنظام بھی تھا۔ اس دسترخوان پر طلبہ نے بھی میزبان کی اجازت کے بغیر شرکت کی اور اس ضیافت سے بلا اجازت کھایا پیا ۔ اس عمل کے بارے میں شرعاً کیا حکم ہے؟ یہ ذکر کرنا بھی مناسب معلوم ہوتاہے کہ میزبانوں نے طلباء کے اس عمل پر ناپسندیدگی کا اظہار بھی کیا ۔ جواب مرحمت فرماکر ممنون فرمائیں۔
جواب
واضح رہے کہ بلا اجازت کسی کی دعوت میں شریک ہونا غیر اخلاقی عمل ہے اور انسانی غیرت وحمیت کے سخت خلاف ہے حدیث ِ مبارکہ میں ایسے شخص کےلیے آتاہے بغیر دعوت کے کھانے میں شریک ہونے والا چور بن کر داخل ہوا اور لوٹ مار کر کے نکلا ۔
لہٰذا ایسا شخص جس کو صراحتاً یا دلالۃً اجازت نہ ہو اس کےلیے بلا اجازت کھانا جائز نہیں ۔البتہ اگر مہمان کے ساتھ کوئی غیر مدعو شخص آ جائے تو مہمان کو چاہیے کہ میزبان سے اجازت لےکر اسے دعوت میں شامل کرلےاور اگر میزبان پر بار نہ ہو تو گھر آنے والے شخص کو اجازت دینا بہتر ہے۔
صورت مسئولہ میں جن طلبہ کرام نے اس ضیافت میں بلا اجازت شرکت کی وہ اس پر توبہ استغفار کریں اور آئندہ ایسا عمل نہ کرنے کا تہیہ کریں ۔البتہ چونکہ طلبہ پر دعوت کا خصوصی ہونا پوری طرح واضح نہیں تھا اس لیےمیزبان کو چاہیے کہ اب جبکہ طلبہ دعوت کھاچکے ہیں تو وہ اپنی رضا مندی کا اظہار کرلے۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
