مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
بائع کا مشتری کو کسی اور سے مبیع خرید کردینا/کمیشن کا حکم/اگر مبیع مشتری کے بتلائے ہوئے عدد کے مطابق نہ ہو
سوال
نمبر۱۔عمر خالد کو کہتا ہے کہ مجھے پودوں کی ضروت ہے ،جبکہ خالد کے پاس وہ پودے موجود نہیں ہیں،خالد عمر کو کہتا ہے کہ پودے مل جائیں گے ،اور ایک پودہ بیس روپے کا ہے ،جبکہ مارکیٹ میں اس کی قیمت پندرہ تا بیس روپے ہے ۔خالد تیسرے شخص سے پودے لے کر عمر کو بھیج دیتا ہے اور بیس روپے قیمت وصول کر کے اپنا نفع رکھتا ہے مشتری کو بتائے بغیر ،آیا اس طرح کرنا درست ہے؟
نمبر۲۔عمر کو پودوں کی ضرورت ہے لیکن عمر کو یہ معلوم نہیں کہ پودے کہاں سے ملیں گے ،یا معلوم ہے لیکن خالد عمر کو تیرے شخص کے پاس لے کر جاتا ہے جس کے پاس پودے موجود ہیں ، اب بائع مشتری کے ثمن طے کرتے وقت خالد بائع(تیسرے شخص) کو اشارتاً یا وضاحتاًکہتا ہے میرا بھی اس میں حصہ رکھنا یعنی پودہ اگر بیس روپے کا ہے تو دو روپےمیرے بھی رکھ کر قیمت لگانا کیا ایسا کرنا جائز ہے ؟
نمبر۳۔ بائع مشتری کو کہتا ہے مجھے تین فٹ کے پانچ سوپودوں کی ضرورت ہے ،بائع سامنے رکھے پودوں کی طرف اشارہ کر کے کہتا ہے ان میں سے تین فٹ کے جتنے پودے نکل آئیں لے لینا پورے پانچ سو کی ذمہ داری نہیں لیتا اور بائع اور مشتری دونوں اس بات پر راضی بھی ہوجاتے ہیں اس طرح بیع و شراء کرنا درست ہے؟
جواب
نمبر۱۔ میں اگر خالد نے یہ کہا کہ میں پودے مہیا کروں گا اور پھر اس نے کسی اور سے پودے خرید کر اس پر اپنا نفع رکھ کر عمر کو فروخت کردیے تو یہ بیع درست ہے ،اس لیے کہ مشتری کو نفع بتانا شرعاً ضروری نہیں۔
نمبر۲۔ میں بھی معاملہ درست ہے ،بشرطیکہ خالد اور تیسرے آدمی کے درمیان پہلے سے طے ہو کہ گاہک لانے پر خالد کو کمیشن ملے گا ،نیز اس میں دھوکہ فراڈ نہ ہو اور کمیشن کا متعین ہونا بھی ضروری ہے ۔
نمبر۳۔ میں اگر ہر پودے کی قیمت متعین کی گئی تھی تو تین فٹ والے جتنے پودے وہاں موجود تھے ان کی بیع بھی درست ہو گئی ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
