صورتِ مسئولہ میں سب سےآسان طریقہ یہ ہےکہ آپ اپنی دکان میں جتنے حصےکے بقدر دوسرے آدمی کوشریک کرناچاہتے ہیں اس کوپلاٹ میں سےاتناحصہ قیمت طےکرکےفروخت کردیں،اس کےبعداس کوتعمیرمیں بھی اسی تناسب سے شریک کرلیں مثلاً اس کواپنےپلاٹ کاگیارہواں حصہ مکمل پلاٹ کی قیمت کےگیارہویں حصےکےعوض فروخت کرلیں،پھرتعمیرمیں بھی اس سےکل لاگت کاگیارہواں حصہ وصول کرلیں اس طرح کرنےسےشرکت درست ہوجائےگی اوراب وہ آپ کےساتھ دکان میں گیارہویں حصے کےتناسب سےشریک ہوجائےگایعنی کل دکان کےگیارہ حصوں میں سے دس حصے آپ کےہیں اورایک حصہ اس کا، اس کےبعدآپس میں یہ طےکرلیں کہ دونوں شریک اپنےاپنےحصوں کےبقدرنفع میں شریک ہوں گے، جتنانفع (بصورتِ کرایہ) حاصل ہوگااس کےگیارہ حصے کئےجائیں گے جس میں سےدس حصے آپ کوملیں گے اورایک حصہ آپ کاشریک وصول کرلےگا۔