اگر کوئی شخص طلا ق کو کسی کام پر معلق کردے تو اب وہ تعلیق ختم نہیں ہو سکتی ۔جیسے ہی وہ کام کیا اس کی بیوی کو خود بخود طلاق ہو جائے گی ۔صورتِ مسئولہ میں چونکہ بڑے بھائی نے چھوٹے بھائی کو برے کاموں سے روکنے پر طلاق کو معلق کیا ہے ۔ اب جونہی بڑے بھائی نے برائی سے روکا تو اس کی بیوی پر تین طلاق واقع ہو کر حرمتِ مغلظہ ثابت ہو جائے گی۔البتہ تین طلاق سے بچنے کا طریقہ یہ ہے کہ بڑا بھائی اپنی بیوی کو ایک طلاق بائن دے دے ، اس کےبعد بیوی عدت گزار لے اور پھر بڑا بھائی ،چھوٹے بھائی کو کسی برائی سے روکے اب اس عمل سے طلاق واقع نہیں ہوگی ،کیونکہ طلاق بائن کی وجہ سے عورت اس کی منکوحہ نہیں ہے ۔اب اس کے بعد مہر جدید اور گواہوں کی موجودگی میں اپنی بیوی سے نکاح کر لے ۔اب اگر بڑے بھائی نے برائی سےروکا تو اس کی بیوی پر کوئی طلاق واقع نہیں ہو گی ،لیکن اس کے پاس آئندہ صرف دو طلاقوں کا اختیار ہوگا ۔لہذا طلاق کے معاملہ میں احتیاط کریں ۔