مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
اگر فی الحال فدیہ ادا كرنے كی استطاعت نہ ہو تو كيا حكم ہے؟
سوال
سائل كے والد مرحوم نے 83 برس كی عمر پائی اور 50 برس تك نمازوں كو ترك كرتے رہے پھر توبہ کرکے نمازیں شروع کردیں اور تا دم آخر نماز کے خوب پابند رہے۔ سائل کو اپنے والد محترم کی 50 برس سے پہلے کی نمازوں کی بہت فکر ہے اس کا فدیہ ادا کرنے کی دلی تمنا ہے فدیہ کے ذیل میں چند سوال مطلوب ہیں۔
نمبر۱۔فدیہ ادا کرنے کا طریقہ کیا ہے؟
نمبر۲۔50برس سے پہلے کی فوت شدہ نمازوں کا حساب کیسے لگایا جائے گا؟
نمبر۳۔اگر اتنا زیادہ فدیہ ادا کرنے کی استطاعت نہ ہو تو شریعت نے اس میں کوئی گنجائش رکھی ہے؟ اگر ہے تو اس کی بھی وضاحت فرمادیں۔
جواب
ابتداء یہ بات واضح رہے کہ اگر مرحوم نے قضاء نمازوں کے فدیہ کی وصیت کی تھی، تب تو ان کے ثلث مال سے وصیت پور ی کرنا واجب ہوگا اور اگر یہ وصیت نہیں کی تو اس صورت میں ورثاء پر فدیہ ادا کرنا واجب نہیں، البتہ بالغ ورثاء اپنے مال سے تبرعا فدیہ اداء کر سکتے ہیں۔ ایک نماز کا فدیہ (نصف صاع) پونے دو سیر گندم یا اس کی قیمت ہے، ایک دن میں پانچ فرضوں اور وتر کو ملا کر چھ نمازوں کا فدیہ ا دار کرنا ہو گا، البتہ فدیہ کی ادائیگی میں اس بات کا خیال رکھا جائے کہ ایک فقیر کو کم از کم ایک نماز کا فدیہ ضرور ملنا چاہیے اور زیادہ نمازوں کا فدیہ بھی دیا جا سکتا ہے، نیز یہ بات واضح رہے کہ فدیہ کا مصرف وہی ہے جو زکوۃ کے مصارف ہیں۔
نمبر۲۔بارہ سال کی مدت منہا کرکے بقیہ 38 سالوں کی نمازوں کاحساب درج بالا اصول کے مطابق کرکے فدیہ ادا کر لیا جائے۔
نمبر۳۔اگر مکمل فدیہ ادا کرنے کی استطاعت نہ ہو تو اس صورت میں یہ طریقہ اختیار کیا جائے کہ کل فدیہ کا حساب لگا لیں اس کے بعد جتنی رقم فدیہ کے طور پر دے سکتے ہیں وہ آپ کسی مستحق کو دیدیں وہ مستحق فقیر اس پر قبضہ کے بعد اپنی رضامندی سے بطور ہبہ اسی شخص کو دیدے اسی طرح دیتے لیتے رہیں یہاں تک کہ تمام نمازوں کا فدیہ اداء ہو جائے۔ اللہ تعالٰی کی رحمت سے امید ہے کہ اس عمل سے میت کی براءت ہو جائیگی۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
