مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
اولاد کاماں سے مل کر باپ کے گھر پر قبضہ کرنا اور قطع تعلقی کرنا
سوال
ڈیفنس میں میرا گھر ہے ،اس کا پلاٹ آرمی نے دورانِ ملازمت ائیر فورس میرے نام الاٹ کیا تھا میں تین سال سعودی عرب میں ائیر فورس کی طرف سے ڈیپوٹیشن پر گیاتھا ،اس کا سارا قرض میں نے ادا کیا ابھی تک یہ میرے نام ہے ،یوٹیلیٹی بل بھی میرے نام ہیں ،2014 میں بیو ی کو طلاق دے دی تھی اس نے بڑے بیٹے کے ساتھ مل کر عدالت سے سٹے آرڈر لیا ہو ا ہے ،مجھے گھر سے نکال دیا اور خود قبضہ کر کے اس میں رہ رہے ہیں ،اپر پورشن پر ہائی کورٹ کا فیصلہ میرے حق میں موجود ہے کہ کوئی کسی قسم کا انٹر فئیر نہیں کرے گا ،پھر بھی انہوں نے قبضہ کر رکھا ہے ،تمام بچوں نے میرے سے قطع تعلق کر رکھا ہے ان کا یہ فعل جائز ہے یا ناجائز اس کے متعلق فتویٰ جاری کریں ۔شکریہ
جواب
احادیثِ مبارکہ میں دوسروں کی زمین پر ناجائز قبضہ کرنے والے پر سخت وعید وارد ہوئی ہے ،آپ ﷺ نے فرمایا:” جس نے کسی کی ایک بالشت زمین پر قبضہ کیا قیامت کے دن اللہ تعالیٰ اس کے گلے میں سات زمینوں کا طوق ڈالیں گے “؛لہذا سوال میں ذکر کردہ صورت حال اگر واقعہ کے مطابق ہے کہ آپ کے ملکیتی گھر پر قبضہ کر کے آپ کے بیٹوں نے آپ کو گھر سے بے دخل کیا تو ان کا یہ فعل شرعاً حرام اور سخت گناہ ہے بالخصوص آپ کی اولاد اور بیوی کی طرف سے اس طرح کا اقدام نہایت شرمناک اور قابلِ مذمت ہے ،ان سب پر لازم کہ وہ آپ کو اپنے گھر کا قبضہ واپس کریں ،نیز آپ کے بچوں پر لازم ہے کہ وہ آپ سے قطع تعلقی سے باز آئیں اور صلہ رحمی والا معاملہ کریں،باز نہ آنے کی صورت میں سخت گناہ گا ر ہوں گے ۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
