مطلوبہ فتوی کے حصول کے لیے الفاظ منتخب کریں
عنوان کا انتخاب کریں
.
اسقاط حمل
سوال
ایک عورت جسمانی قوت وصحت کے اعتبار سے بہت کمزور ہے ، گودمیں ابھی دودھ پیتا بچہ بھی ہے، ضعف بھی ہے اسی دوران اسے حمل ٹھہر جاتاہے دریافت طلب امر یہ ہے کہ کیایہ عورت ایک ماہ سے چالیس یوم کے حمل کااسقاط کر واسکتی ہے ؟ اگرایک ماہ یاچالیس یوم کے حمل کااسقاط کرواسکتی ہے تو بعد الاسقاط رحم سے آنے والادم دمِ نفاس کے حکم میں ہوگایادم حیض کے حکم میں؟
جواب
فقہاء کرام رحمہم اللہ نے کسی عذرِ معتبر کےبغير اسقاطِ حمل کو ممنوع قرار دیا ہےكيونکہ یہ عمل شرعاً ممنوع ہونے کے ساتھ ساتھ طبّی اعتبار سے بھی نقصان دہ ہے؛ اس لئے حتی الامکان اس سے اجتناب کرنا چاہئے۔ہاں اگر مذکورہ صورت میں كوئی ماہر امانت دار ڈاکٹرحمل کو باقی رکھنے کی صورت میں عورت یا بچے کی صحت کے شدید متاثر ہونے کا اندیشہ ظاہرکرے تواس عذر کی وجہ سے حمل ساقط کروانے کی گنجائش ہے ، اورچونكہ ابھی تک حمل کو ایک مہینہ یا چالیس دن کا عرصہ ہوا ہے اس لئے اس کے بعد آنے والا خون اگر تین دن یا اس سے زائد مدت تک آئے تو حیض کے حکم میں ہے اور اگرتین دن سے کم مدت تک آئے تو استحاضہ شمار ہوگا(یعنی ان دنوں کی نماز قضاکرنی ہوگی)۔
فہرست عنوانات
دارالافتاء جامعہ احسان القرآن والعلوم النبویہ
جامعہ احسان القرآن والعلوم النبویہ کا ایک نمایاں شعبہ دارالافتاء ہے۔ جو کہ عرصہ 20 سال سے عوام کے مسائل کی شرعی رہنمائی کی خدمات بخوبی سرانجام دے رہا ہے
سوال پوچھیں
دار الافتاء جامعہ احسان القرآن والعلوم النبویہ سے تحریری جوابات کے حصول کے لیے یہاں کللک کریں
